هو ايه اصله ده
رجاله رمه
انا متجوزه من سنه وبشتغل مشـــــ,,ــكلتي ان مبقتش شايفه جوزي راجل
انا بيطلب مني ادفع في مصاريف البيت جوزي بيقبض ضعف مرتبي مرتين واحنا نقدر نعيش بأقل من نص مرتبه وانا اصلا معنديش مشكله اعيش باي إمكانيات بس احس ان معايا راجل بجد انا مش متربيه علي كده
وحاسه أن دوري في البيت اطبخ وانضف واصرف كمان 😂😂😂 طب بجد اتجوزت ليه مش الجواز مشاركه طب ما تشاركني في شغل البيت لا طبعا مينفعش علشان انا راجل انا يا جماعه مبقتش طايقه العيشه ديه ده حتي لما بنخرج وهو الي بيكون طالب نغير جو بدفع نص الخروجه اه والله مش عارفه هو انا عايشه مع واحده صاحبتي ولا ايه عمر ما اخدت منه مصروف حتي العيد مفيش حاجه اسمها عيديه ما انتي معاكي وعلي فكره هو مش بخيل عادي هو ممكن يصرف علي اخواته وأمه عادي جدا فكرت اكتر من مره اسيب
الشغل وقعدت فعلا فتره كده خدت اجازه شهر بس قولتله أن سبت الشغل كان مضايق جدا ومصرفش عليا جنيه والله لو قولت عاوزه كيس شيبسي منين انتي مش معاكي مش محوشه حاجه علي جنب يعني شهر كامل عيشته زل لو طلبت حاجه زياده ومش بتيجي لما جيت اروح عند اهلي كان رافض يديني حق المواصلات بحجه أن اكيد محوشه مبلغ علي جنب انا بجد بقيت كاره العيشه ديه وكاره الشخص ده ومش شايفاه راجل ياريت بجد مفيش واحد ياخد فلوس من مراته مش هتشوفك راجل الي نفسها فيه حتي لو هي مبينه أنها مرتاحه ومبسوطه
بس هل ده سبب للطلاق انا لسه معنديش اطفال لاني مأجله الحمل
تعرفي ليه مصروف البيت مش بيكمل الشهر ولازم الميزانيه تيجي اخر الشهر وتبوظ منك🤌🤌
تعالي اقولك لازم نعمل ايه اول م نمسك مصروف البيت👍
متنزليش تشترى حاجه البيت وانتى جعانه علشان هتصرفى كتير😂😂
متشتريش فاكهه فى غير اوانها او اول ما تظهر فى السوق وخصوصا الخوخ والبطيخ والمشمش لأنها بتكون مرشوشه و مضره بالصحه
اولا نتفق ان مصروف بيتك كبير او قليل لازم يكون فيه بركه وهي دي اللي بتفرق
يبقى لازم اول حاجه تعمليها تطلعي جزء من المصروف لله مهما كانت ظروفك ومهما كانت مصاريف الشهر كتير
لازم تقسمي المصروف ل مصروفات اساسيه زي ايجار نور ميه غاز اقساط دروس علاج بامبرز 👌👌
ومصروفات اسبوعيه اللي هي للاكل والشرب
✅️وجزء للطوارئ وده اساسي حتى لو موسحبتيش منه الشهر ده هتشيليه وتضيفي عليه الشهر اللي بعده وده متصرفيش منه غير للضروره
اوعي تجيبي اي حاجه لمجرد ان عليها عرض خصوصا اول الشهر طالما مش محتاجاها
اوعي تنزلي تشتري حاجات البيت منغير م تكوني كاتبه ورقه فيها اللي انت محتاجاه بس
واعملي حصاله الفكه ودي حصاله لما تفكي اي فلوس تحطي جزء منها فيها يعني فكيتي ١٠٠ حطي ١٠
فكيتي ٥٠ حطي ٥ وهكذا بتنفع جدا اخر الشهر وبتنفع لو جمعتي مبلغ تجيبي اي حاجه ليكي او كماليات🥰
متنسوش الصلاة والسلام على سيدنا محمد صلى الله عليه وسلم تسليما كثيرا طيبا مباركا ♥️
