زهرة شبابي
.متخرجت من الجامعة اتجـ،ـوزت واحد مش نفس مستوى عيلتنا بس كنت بحبه حب جنـ،ـوني و حاربت اهلي علشانه ٣ سنين
كان زميلي في الجامعة و كنت بشوف فيه كل اللي حلمت بيه في شريك الحياة الحلوة اللي نفسي اعيشها .
بعد الجواز اكتشفت ان عنده مشـ،ـاكل كتير ان معندوش فلوس يعمل مشروع يخليه في مستوانا و انه من أكتر الناس الكئيبة اللي شوفتها في حياتي .
ساعدته يعمل مشروع و مكانش له حظ قوي و فضلت حياته العملية تتمرجح لكن مكانش عندنا مشاكل مادية لاني ورثت ملايين من بابايا .
حولني من بني آدمة مقبلة على الدنيا لحد كئيب زيه و تخنت جدا لغاية لما بقى وزني ١٣٠ كيلو مع إني طول عمري وزني ٦٠ حتى بعد ما خلفت .
فترات التواصل في العلاقة الزوجية الحميمة كانت مرة أو مرتين في السنة و دايما أنا لازم اللي أطلب .
عرضت عليه يروح لدكتور نفـ،ـسي مرضيش و نسيت اقولك الناس بتحسدني عليه .
الستات شايفينه مثالي و عمره ما بص على ست و لا بنت و شايفين ان كفاية انه معملش عـ،ـلاقة مع حد غيري رغم تخني اللي غيرني .
كنت بشتغل في بنك سيبته لاني فقدت الرغبة في كل حاجة .
طلعت غلي في الاكل و خصوصا اني هوايتي الطبيخ .
هقولك تفصيلة يمكن تكون غريبة شوية بس مهمة لانها بتوري ازاي ممكن نفقد الرغبة في الحياة . انا رغم اني نضيفة في بيتي و في حياتي و علمت ده لولادي بقيت بعد ما كنت باخد دش مرتين في اليوم من شدة وسواس النضافة عندي بقيا باخد دش مرة في الأسبوع بالعافية و مش فارق معايا طالما ريحتي مش وحشة .
تخيلي وصلت لايه حتى الاستـ،ـحمام مش فارق معايا .
ولادي الحمد لله عرفت أمثل معاهم اني طبيعية بس ساعات كانوا بيحسوا و في آخر سنتين جـ،ـواز فهموا لانهم كانوا كبروا و ابتدوا يشوفوا ردودي عليه لانه كان بيتعمد يهيني و يقلل من شأني مع اني كنت مش برد عليه في الاول علشان يفضل بينا احترام .
مش هطول في التفاصيل لانك كتبتي قبل كده عن حالات مشابهه و لاني عاوزة أحكي نقطة التحول في حياتي .
فضلت صابرة ٢٥ سنة و سيبته و انا عندي ٥١ سنة لان كان بيجيلي حالات اخـ،ـتناق في الآخر و بحس معاه اني حيوانة و تخينة و قبيحة و مليش لازمة ده غير إن فترات بعده عن البيت علشان ما يحصلش تواصل بقت غير طبيعية يعني كان ممكن منشوفش بعض بالأسبوعين غير كام مرة بالعافية لانه بيتعمد ييجي يقفل عليه أوضة المكتب و كرامتي بقت مش مستحملة .
سيبته بعد حـ،ـرب مع نفـ،ـسي لاني مكنتش متخيلة شكل غير الش،/،كل اللي عشت فيه بيت و منظر عيلة جوز وولاد و مجتمع كامل .
انهرت بجد و تخنت اكتر و بقيت كئيبة مع ولادي عندي بنت وولد مع انهم دايما كانوا بيشوفوني دمي خفيف
العجيب انهم بقوا يشوفوه أظرف من الأول لانى بقيت انا مصدر الشكوى و التعاسة .
هو متجوزش لغاية دلوقت لانه فعلا معندوش رغبة في الارتباط بسبب احساسه المتواصل بالفشل بس ممكن يكون عمل عـ،ـلاقات .
قمة البؤس لما مرة كنت في الشارع ووقعت و محدش ساعدني و قمت بصعوبة رهيبة لاني تخينة جدا و بمساعدة ولد صغير قللي بتلقائية خسي يا طنت كده غلط .
روحت مكسوفة و زعلانة و قررت احاول اخس طبعا معرفتش طب احاول افكر اشتغل مفيش في دماغي حاجة ما انا اتعودت على القعدة .
قلت أروح اتعلم ايطالي استيعاب زفت
طب اكمل دراساتي العليا جيت امتحن امتحان قبل ما يقبلوني خرجت معيطة لاني معرفتش اجاوب اي حاجة .
حسيت اني نفسي امـ،ـوت و بقيت ادعي بكده لغاية ما قامت الثورة و كاني اتولدت من جديد .
لقيت ناس في الشوارع من كل المستويات و من كل الاعمار نزلت الاول اتفرج من بعيد لاني اتقلبت جبانة على مدار ٢٥ سنة بس لما شوفت الناس من يومها رجعت لنفسي و لشخصيتي قبل الجواز .
مش هاكذب عليكي نزلت أول سنة و بعدين بطلت لاني كنت بنزل لوحدي لان كل محيطي ضد الثورة حتى ولادي و فضلت متابعه و قلبي مع الثورة
تخيلي ابتديت اخس و ابتديت اتعلم الايطالي و فجأة ظهر قدامي .
راجل شكله عادي بس شيك جدا
لفت انتباهي و انا قعدة في مطعم النادي .
لقيته هو كمان بيبصلي و بعد ما الناس اللي كانوا بيتغدوا معايا مشيوا و سابوني لاني كنت مستنية بنتي أروح معاها لقيته بمنتهى الأدب بيقوللي اسمي …… و عرفني بنفسه و ان عنده ٦٠ سنة و عايش بره في دولة أوروبية و يا ريت نتواصل لانه مش عارف يشيل عينه من عليا .
استغربت جرأته و استغربت من نفسي اني اديته رقمي و لما جت بنتي اتعرف عليها و بقينا نتواصل لغاية ما حسيت انه الحب الحقيقي اللي كنت بدور عليه .
سافر بعد اجازته اللي قضاها كلها معايا و انا بقيت اخس اكتر لغاية ما عدت سنة و رجع قاللي نتجوز و اسافر معاه .
اتخضيت من فكرة السفر بره بلدي بس ولادي شجعوني و قالولي أول مرة نشوفك سعيدة من ساعة متولدنا روحي متضيعيش فرصة سعادتك .
سافرت معاه و عشنا اجمل ٥ سنين في حياتي و عرفت معنى الاخد و العطا بين اتنين و عرفت معنى الدوبان في حد من غير ما اتنازل عن شخصيتي .
مش هاتكسف اقولك اول مرة اعرف طعم العـ،ـلاقة الحميمة اللي تحسس اني مش عاوزة حاجة من الدنيا بعدها .
عرفته ليه انا مع الثورة لانه كان متابع من بعيد و مش مكون رأي و بقى تبع البلد اللي عايش فيها أكتر لانه ساب مصر و هو عنده ٣ سنين مع عيلته .
علمني هو معنى الحياة فكنا بنرقص و نجري الصبح و علمني اروح معارض رسم و احبها و الأهم علمني اهمية مساعدة الناس مش بالفلوس بس لكن بالمساعدة الروحية و
بقيت اروح دار مسنين معاه في الويك اند و ساعات نعزم ناس منهم .
تخيلي في سن كبيرة بقيت اتشال في الشارع .
خدت الماچيستير بتاعي و انا عندي ٥٦ سنة و بقيت طايرة و مش مصدقة اني انا هي انا .
سماني زهرة لانه قللي اني زهرة حياته و كمان أنا أول جوازة في حياته 😀 .
مش عارفة احكي ايه تاني بس حبيت اقول للناس ان الحب و الامل موجودين و ممكن ييجوا في اي وقت و بلاش كلام ما خلاص و العمر راح لان طول ما فينا نفس العمر مستمر
