سيدة تسـ,,ـتغيث من عائلة هنا الزاهد فما هي الحكاية

استغـ,ـاثت سيدة تدعى عزة الفقي من الفنانة هنا الزاهد ووالدتها شيرين المنزلاوي، واتهمتهما بأنهما سكنا في الكومباوند الخاص بها دون دفع إيجار، مشيرة إلى أن الفنان طلعت زكريا هو الذي توسط لهما.

وظهرت السيدة عبر لايف على القاهرة 24، وتحدثت خلاله قائلة: في يوم جاتلي مكالمة من السيدة شيرين المنزلاوي والدة الفنانة هنا الزاهد، قالت إنها عاوزة تأجر المكان، وزوجي رد عليها بأنه يرفض الإيجار لأنه مش ضامن سفره هيخلص امتى وهيكون محتاج البيت، وخلصنا الموضوع.

وأردفت: كنا رافضين استئجار المكان لكن جت لنا مكالمة من الفنان الراحل طلعت زكريا، وتوسط لهما على مسئوليته الشخصية، ووافقنا وكانوا عاوزين يأجروا خمس سنين، ولكن طلعت زكريا قال وقت ما ترجعوا البيت هيكون في الحفظ والصون، فإحنا كأسرة اقتنعنا بكلامه وقلناله نأجر 3 سنين فقط، وشيرين مضت العقد بـ 3 سنين وابتدوا يدفعوا الايجار وساعات كانوا بيأخروا دفع الايجار بسبب ظروف الشغل.

وتابعت السيدة: ولما كلمناهم إنهم يرجعولنا البيت لما رجعنا مصر، رفضوا وإحنا بنقولهم دا بيتنا ومضطرين نرجع البيت، وإحنا مأجرين أغلى من اللي بتدفعوه وشيرين ردت عليا، وقالت ألفاظ بشعة، وقالت إحنا مش خارجين وأعلى ما في خيلكم اركبوه.

السيدة المالكة للمنزل: خطوبة هنا الزاهد اتعملت في بيتي من غير ما يدفعوا الإيجار

وأضافت: اضطرينا نرفع قضية باسترداد البيت والمحكمة الحمد لله وافقت إنهم يخرجوا برا البيت، ويدفعولنا لحد نهاية عقد الإيجار واحنا طلبنا البيت قبل المدة ما تنتهي، وفي الفترة اللي خدنا فيها الحكم كان عقد الايجار خلص، خطوبة هنا الزاهد اتعملت في بيتي وجنينتي من غير ما يدفعوا إيجار وبعد مدة العقد ما خلصت اتحكم ليهم بالطرد، وهما خرجوا من البيت بصعوبة ودخلنا البيت لقينا فيه تلافيات وخدوا الأحواض.

وأضافت: كنا مخليين على جنب مخزون سيراميك اتاخد، ورفعنا قضية تانية بالتلقيات وبسنتين الايجار بعد ما عقدهم خلص، وهما كانوا بيرفعوا قضايا ضدنا، ولكن القضاء نصفنا حكم لنا، ولكن مش عارفين ليهم عنوان.

السيدة المالكة: هنا الزاهد قالت لزوجي أنت موّت أبونا وجاي تموّت أمنا

وتابعت: أخو شيرين المنزلاوي كلمنا يساومنا إننا نديهم فلوس عشان يخرجوا من البيت، والقضايا شغالة وحاولنا التواصل معاهم من خلال المخرجة منى الأبحر، إنهم يدفعوا اللي عليهم معرفتش توصل معاهم لأي نتيجة، وشيرين المنزلاوي أهانت جوزي وإدت السماعة لهنا قالت له أنت موت أبونا، وجاي تموت أمنا وأنا مش عارفة هي إزاي تقول كده، وهي عرفا أن عليهم فلوس ومخالفات، ومستغربة لما شفت لقاء تلفزيوني لهنا الزاهد شكيت في نفسي وقولت بيروحوا يناموا على المخدة ازاي وعندهم كام وش، وإحنا مصممين على حقنا وفيه محضر بيلزمها بإصلاح التلفيات، ومش عارفة هما ازاي ورا الكاميرا ناس تانية كده.